據香港娛樂媒體最新報道，今年9月，有TVB「御用癲婆」之稱的趙希洛離開工作咗15年嘅「娘家」，她感激獲TVB愛錫，疫情下可以拍《開心速遞》、畀女配獎及創作角色空間，不過密集式工作3年，係時候要放長假去增值自己，唔想「交行貨」，未來她會多方面發展，以YouTube有175萬訂閱的Coffee(林芊妤)為目標強攻社交平台，甚至拍電影、唱嚇圣誕歌，發展唔同路向。

外闖3個月見世面的趙希洛，坦言好舒服，因為之前劇接劇，最高紀錄一日要轉4個造型，長期冇休息，有被榨乾、缺氧嘅感覺，加上對自己要求高要做到最好，好怕重覆角色欠缺新鮮感，係時候要唞一唞。

因此，回復自由身后馬上到美國及法國體驗，認識當地戲劇文化：「尤其參觀拍攝美國最高收視劇集嘅錄影廠；又見到用嚟拍戲，球場咁大，附設人造浪嘅暖水池，平時唔用就抽乾水變停車場，大開眼界，感受過后更想拍嚇電影。」

對于發長文致謝名單冇提過樂小姐(樂易玲)，趙希洛就解釋，「轉機時來去匆匆漏咗，我連《開心速遞》編審都冇落名，樂小姐知我係乜人應該唔會嬲。」

40歲的趙希洛坦言唔怕冇咗TVB大靠山：「第一步希望靠社交平台吸客，好似coffee咁真係好勁，除咗教瑜伽又推出自家品牌服裝，好佩服佢，要向佢好好學習。

」

被指為富貴星二代(母親係前TVB藝員梁小玲，父親經營石油生意又係澳洲大律師)，趙希洛強調家境只係舒服少少，而非有錢就任性：「以前我會坐港鐵轉公司巴士返工，凌晨才‘打的’向公司藝員科Claim錢，既然係自己選擇就要負責任，唔使家人負擔。」但她坦承屋企有給她附屬卡：「呢張係安全卡，喺必要時先用。」

24場「張學友60+巡迴演唱會香港站」今晚（10日）在紅館舉行首場演唱會，張學友和演唱會製作團隊下午在紅館外進行拜神儀式，現場有過百名歌迷來自上海、東北、云南、廣州，還有兩名韓國歌迷，守候偶像歌神張學友現身。

張學友為24場的香港演唱會做足準備，而且近來流感再度肆虐，張學友的工作人員為高度防護張學友的健康，要求到場採訪的記者均戴上口罩。

張學友學友全身黑色便服戴黑色cap帽現身時，首先向在場fans以雙手合十致謝。張學友更全程戴上口罩，完成拜神儀式后，張學友也跟大家一齊食一小塊燒肉，此時張學友才拉低口罩片刻，對防疫極之謹慎。

版權所有，禁止轉載。 違者必究法律責任。